ఆకాశం ఎత్తు నుండి ఒక్కసారిగా పడిపోతే కొందరి ప్రాణాలు గాల్లోనే పోతాయి. అంత భయమేస్తుంది. ఓ నలభై అడుగుల ఎత్తు అంటేనే వామ్మో అని కొందరు బయపడుతుంటారు. అలాంటిది 1300 ఫీట్ల ఎత్తు నుండి దూకేస్తే ఇంకెంత భయమేస్తుంది. కానీ బిగ్ బాస్ సీజన్ సెవెన్ కంటెస్టెంట్ దామిని భట్ల ఆ సాహసాన్ని చేసింది. తన యూట్యూబ్ ఛానెల్ లో దీనికి సంబంధించిన వ్లాగ్ ని షేర్ చేసి, తన అనుభావాలని పంచుకుంది.

'లవ్ ఇన్ లండన్' సినిమాలోని ' నీ కోసం' పాటతో  ప్రేమికులకు దగ్గరైన దామిణి. 'బహుబలి- ది బిగినింగ్' లో పచ్చ బొట్టేసిన పాటతో ఎంతోమందికి దగ్గరైంది. రాజమండ్రి దగ్గర తాడేపల్లి గూడెంలో జన్మించిన దామినికి కర్నాటక సంగీతం అంటే మక్కువతో అది నేర్చుకుంది. ఆ తర్వాత జీ తెలుగులో ప్రసారమయిన ' సరిగమప' షోలో గాయకురాలిగా తన కెరీర్ ప్రారంభించింది. స్టేజి షోలు, ప్రైవేట్ ఆల్బమ్స్, ప్రైవేట్ బ్యాండ్, సినిమాల్లో సాంగ్స్ తో మంచి గుర్తింపు తెచ్చుకుంది. సోషల్ మీడియాలో కూడా రెగ్యులర్ గా యాక్టివ్ గా ఉంటూ ఫాలోవర్స్ ని పెంచుకుంటుంది. కొండపొలం సినిమాలోని ధమ్ ధమ్ పాటకు బెస్ట్ లిరిక్స్ నేషనల్ అవార్డు వచ్చిన సంగతి తెలిసిందే. ఆ పాట పాడింది దామినీనే.

బిగ్ బాస్ హౌస్ లో సింగర్ గా ఎంట్రీ ఇచ్చి తనకి నచ్చినట్టుగా ఉండటంతో తొందరగా బయటకొచ్చేసింది. అతిగా ఆవేశపడేవాళ్లు, అనవసరంగా వాదిస్తూ సాగదీసేవాళ్లు, తమ డప్పు తామే కొట్టుకునేవాళ్లు, కేవలం డైలాగులకే పరిమితమయ్యేవాళ్లు, వెనకాల గోతులు తవ్వేవాళ్లు, కిచెన్‌కే పరిమితమై ఆడటమే మర్చిపోయేవాళ్లు.. ఇలా ప్రతిసీజన్‌లోనూ ఇలాంటి వాళ్లు కనిపిస్తూనే ఉంటారు. ఈ సీజన్‌లో అలాంటివారున్నారు. అయితే మిగతావాళ్ల సంగతి ఎలా ఉన్నా కిచెన్‌కే పరిమితమైనవాళ్లు మాత్రం హౌస్‌లో ఎక్కువ వారాలు ఉన్న దాఖలాలు లేవు. అందుకేనేమో దామిని త్వరగా బయటకొచ్చేసింది. ఇక తాజాగా తన మ్యూజిక్ ఆల్బమ్ వీడియోని రిలీజ్ చేసి ట్రెండింగ్ లోకి వచ్చేసింది. కాగా ఇప్పుడు దుబాయ్ లో అతిపెద్ద బిల్డింగ్ నుండి జంప్ చేసి మరోసారి వార్తల్లో నిలిచింది. పదమూడు వందల ఎత్తు నుండి జంప్ చేసి ఆ అనుభవాలని తన యూట్యూబ్ ఛానెల్ లో పోస్ట్ చేసింది. కొన్ని సార్లు లైఫ్ ని అద్భుతంగా మల్చుకోవడానికి కొన్ని డబ్బులు ఖర్చుపెట్టాలని, అవే మనకి మెమరీస్ గా ఉంటాయని.. లైఫ్ లో అందంతో పాటు కొంత రిస్క్ కూడా‌ తీసుకోవాలని దామిని చెప్పుకొచ్చింది. ‌కాగా ఈ వ్లాగ్ కి ఇప్పుడు అత్యధిక వీక్షకాధరణ లభిస్తోంది.